Dikon un lei pa fiha e relashon finansiero entre Pais Kòrsou i FKP?

Dikon un lei pa fiha e relashon finansiero entre Pais Kòrsou i FKP?

Parlamentario Curtley Obispo den e reunion di Parlamento di Kòrsou di dia 9 mei 2019, a mustra riba e pasado, e presente i e futuro di e relashon finansiero entre Pais Kòrsou i Fundashon Kas Popular (FKP). A base di e konsepto di lei ku a trata  den un komishon sentral, e la trese e motibunan pa fiha e relashon finansiero entre Pais Kòrsou i FKP, kual ta entre otro: (1) resolvé e disputa di mas di 18 aña   ku tin haber ku kontribushonnan atrasá di Pais Kòrsou na FKP, (2) aprobá via di lei, e akuerdo di dia 11 sèptèmber 2018 pa terminá e disputa te ku 31 desèmber 2017 pa un balor total di 13 mion florin, (3) segun artíkulo 24a insiso 3, di e Lei di Atministrashon di Pais i Sistema Efisiente di Kontabilidat (“Landsverordening Financieel Beheer”) ta eksigí ku pa Pais Kòrsou por konkluí un akuerdo di resolvé un disputa riba 1 mion florin, mester fiha esaki i tambe aprobá esaki pa medio di un lei.

Tambe parlamentario Curtley Obispo a bolbe enfatisá ku pa un futuro bon relashon finansiero entre Pais Kòrsou i FKP tambe ta importante pa: (1)  FKP porfin kaba di duna kuenta i rason, kual ta nifiká ku pa Sèptèmber 2019 finalisá tur su kuentanan anual audita di aña 2012 te ku 2018. E historia, e saga, di no duna kuenta i rason pa añanan na Gobièrnu di Kòrsou tin ku kaba e aña aki, (2) Gobièrnu di Kòrsou i FKP teniendo kuenta ku lei, hasi tur esfuerso pa e aña aki finalisá un  “beheersovereenkomst” entre Pais Kòrsou i Fundashon Kas Popular.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: