E 600 kilo di droga no a keda hòrtá den un biaha

Den e kaso di e 600 kilo di droga ku a keda hòrtá for di warda di reshèrshi a resultá ku e agentenan polisial ku tabata enkargá ku kimamentu di e droga no a kana e proseso stipulá. Tin sigur un kantidat di seis agente polisial ku ta sospechoso den e kaso aki. Agentenan polisial tabata kue tiki tiki for di e droga disponé pa keda kimá. Ta keda bisá ku ta 600 kilo a keda hòrtá pero e kantidat eksakto no ta konosí. E agentenan polisial ku tabata enkargá ku kimamentu di e droga tabata mal informá e fiskal i tabata duna argumentunan infundá pa evitá di kima e droga. Hasiendo esaki e kantidat di droga a keda oumentá i e kantidat a bira atraktivo pa keda hòrtá.