Brantwer Kòrsou ta presentá unifòrm nobo na komunidat
Brantwer Kòrsou ta presentá unifòrm nobo na komunidat
Kòrsou, 04 yüni 2019
WILLEMSTAD – Ayera 4 di yüni 2019, Kuerpo di Brantwer Kòrsou a presentá su unifòrm
nobo na komunidat di Kòrsou. E presentashon a tuma lugá dilanti di Minister di Hustisia,
Mr. Quincy Girigorie. Komandante di Brantwer Kòrsou, ing. Elvin Regina a hiba palabra
durante di e presentashon di unifòrm nobo i a indiká ku den kuadro di e trayekto di
optimalisashon, e kuerpo a disidí ku mester hasi un kambio na e unifòrm.
E unifòrmnan ta konsistí di diferente tenue:
Kamisa blanku ku karson blou skur pa trabounan di den “dagdienst” I tambe pa
okashonnan spesial.
Blou skur (navy blue) ta pa trabounan represivo, ku ta keda bisti mayoria bes pa
bomberonan den warda.
Uitruktenue (bluspak) pa kombatimentu di insidente i/òf kandela.
Unifòrm pa deporte
Trabounan di Brantwer den mayoria okashon ta trabounan pisá, bou di temperatura hopi
haltu i durante un periodo largu. Pa hasi e trabounan aki tur dia ku amor, e bombero mester
sinti su mes konfortabel den su pañanan. Despues di un trayekto largu di prueba di diferente
modelo i marka di unifòrm a yega na eskoho di e unifòrm nobo nan. E promé fase ta konsistí
di un kambio na nos “werktenue”. E unifòrm nobo ta konsistí di un tela fásil pa por move
aden i hasi e trabou diario. E “werktenue” ta konsistí di un polo dry-fit pa na momentu di
kumpli ku sierto ehersisio òf trabounan den kual ta soda hopi, i ku ta eksigí pa nos por tin un
unifòrm ku ta seka mas lihé. E karson i kamisa ta di un tela ku no ta laga awa pasa fásil.
Diskurso Komandant di Brantwer Kòrsou, Ing. E.F. Regina
Okashon: Promé fase unifòrm nobo Brantwer Kòrsou



















