NOS SELEKSHON TA KLA PA ENFRENTÁ INDIA DURANTE NOS PROMÉ PARTIDO DI KING’S CUP 2019!
NOS SELEKSHON TA KLA PA ENFRENTÁ INDIA DURANTE NOS
PROMÉ PARTIDO DI KING’S CUP 2019!
Tur kos ta kla pa nos selekshon nashonal enfrentá India mañan, djarason 5 di yüni pa mitar di 5 di mainta durante nos promé partido di King’s Cup 2019 na Thailand.
Awe nos selekshon ta tin su último seshon di training pa mañan nos bin tur ku tin kontra India.
E trainingnan di nos selekshon a bai hopi bon i nos hungadónan ta mentalmente i físikamente bon prepará pa e partido aki.
Despues di e resultado di nos promé enkuentro ta bira konosí si nos ta pasa pa e gran final di e kampionato aki ku ta tuma lugá dia 8 di yüni 2019 den Chang Arena Stadium, Buriram, Thailand.
King’s Cup 2019 ta konta ku partisipashon di Thailand, Vietnam, India ku Kòrsou.
Skema di King’s Cup 2019:
Fecha | Orario | Tim A | Tim B | Stadion | |
1 | 5 yüni 19 | 4:30 AM | Kòrsou | India | Chang Arena Stadium, Buriram |
2 | 8:45 AM | Thailand | Vietnam |
Partido pa terser puesto:
Fecha | Orario | Tim A | Tim B | Stadion |
8 yüni 19 | 4:30 AM | Pèrdedó A | Pèrdedó B | Chang Arena Stadium, Buriram |
Partido Final:
Fecha | Orario | Tim A | Tim B | Stadion |
8 yüni 19 | 8:45 AM | Ganadó A | Ganadó B | Chang Arena Stadium, Buriram |
*Tene kuenta ku tur orario ariba menshoná ta di ora di Kòrsou
Despues di e torneo aki nos selekshon ta sigui ku e preparashonnan pa Gold Cup 2019 kaminda nos promé partido lo ta 17 yüni kontra El Salvador na Jamaica. 21 yüni nos lo enfrentá Honduras durante nos segundo partido di Gold Cup na Houston miéntras nos terser partido lo ta 25 yüni kontra Jamaica na Los Angeles.
Despues di e partidonan aki nos lo sa si nos a klasifiká pa e segundo buèlta di Gold Cup 2019.
Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó, pa sigui apoyá i sostené nan!
Keda pendiente pa mas informashon…