Konseho di Minister di Reino Hulandes mester tene kuenta tambe ku konsehonan di Raad van State i Kontrolaria General di Hulanda!

Konseho di Minister di Reino Hulandes mester tene kuenta tambe ku konsehonan di Raad van State i Kontrolaria General di Hulanda!

E konsehonan balioso di Raad van State i Kontrolaria General di Hulanda pa ku futuro di finansa publiko di Pais Kòrsou tambe mester ta riba agènda di Konseho di Minister di Reino Hulandes riba 14 yüni 2019. Esaki parlamentario Curtley Obispo a indiká bon kla i raspa den e reunion di Parlamento di Kòrsou di dia 10 yüni 2019. Ta konsehonan super balioso pa ku futuro di finansa publiko di Pais Kòrsou a base di: (1) e relato anual di 2018 di Raad van State i (2) e Rapòrt di Kontrolaria General di Hulanda “Resultaten verantwoordingsonderzoek 2018 Koninkrijksrelaties (IV) en BES-fonds (H). Konsehonan super importante kual ta di e Konseho di Konsulta di Pais Hulanda i e akountent nan di Pais Hulanda.

Raad van State ta opiná ku Kolegio di Supervishon Finansiero di Paisnan Kòrsou i Sint Maarten mester tene kuenta den su konsehonan; tambe ku e problemátika nan kompleho ku entre otro Pais Kòrsou ta konfrontando. Den e relato anual 2018, Raad van State tambe ta establesé ku temanan di pobresa, desaroyo sosio-ekonómiko, finansa publiko, organisashon gubernamental tambe ta importante i ku mester haña atenshon di Reino Hulandes.

Pa ku mehoransa di finansa publiko di Kòrsou, Kontrolaria General di Hulanda a duna tambe un konseho balioso na Minster Kajsa Ollongren di  Binnenlandse Zaken en Koninkrijksrelaties (BZK). Ta trata entre otro e konseho pa yega na palabrashon nan konkreto riba nivel gubernamental entre Konseho di Minister di Reino Hulandes i Gobièrnu di Kòrsou. Pa loke ta trata trayektonan di mehoransa programatiko, komparabel ku e “Operatie Comptabel Bestel”, kual a ehekutá den siglo pasa na Pais Hulanda pa asina mehorá finansa publiko.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: