David Smolansky tabata tin un enkuentro ku Diaspora Venesolano na Kòrsou

David Smolansky tabata tin un enkuentro ku Diaspora Venesolano na Kòrsou

Djaweps ultimo, e Kordinador di e Organisashon di Estadonan Merikano (OAS), David Smolansky, a yega Kòrsou pa atendé ku e krisis di migrashon na Venezuela.

Djis despues di su yegada, Smolansky tabata tin un enkuentro ku miembronan di e Diaspora Venesolano i varios organisashon no gubernamental.

Smolansky tabata tin un enkuentro den Fort Amsterdam ku varios NGO’s, inkluso Human Rights Caribbean, Venex Foundation, Fundashon Famia Planiá, Caritas, entre otro.

Den oranan di atardi tabata tin un enkuentro ku Venesolanonan bibá riba nos pais, den misa Birgen di Coromoto na Mundu Nobo.