Servisio pa Obra Públiko ta bai ahustá reflektornan na altura di Parera.

Servisio pa Obra Públiko ta bai ahustá reflektornan na altura di Parera.

Willemstad – Minister di Tráfiko, Transporte i Planifikashon Urbano, señora Zita Jesus-Leito, huntu ku Servisio pa Obra Públiko (OW) ta informá ku ta bai tin trabou di mantenshon na altura di Parera riba djasabra 15 di yüni 2019.

Djasabra 15 di yüni 2019, entre 9 or di mainta pa 4 or di atardi, OW lo bai hasi trabounan di ahuste na e reflektornan.  Tambe ta bai revisá e dotnan, i kaminda mester ta buta dotnan nobo riba e kaminda.

E trabounan aki ta tuma lugá na altura di Parera na e parti Nort di e kaminda ku ta dirigi pa direkshon di Otrabanda. Pa ta mas eksakto, entre e lusnan di tráfiko na altura di Krus Kòrá na Parera te na e lusnan di tráfiko na Berg Altena. Trabounan aki ta nesesario pa asina alsa e seguridat den nos tráfiko.

Minister Jesus-Leito ta hasi un apelashon na tur outomobilista pa kore ku koutela i sigui e desviashonnan indiká.