Kontròl di tráfiko general.
KOMUNIKADO DI PRENSA 248 / 2019
24 yüni 2019
Kontròl di tráfiko general.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 22 di yüni 2019, personal di Warda di Polis Rio Canario ku mas unidat polisial,
konhuntamente ku personal di K.Mar, Ministerio Públiko “Paga bo But”, a tene un kontròl
di tráfiko general. E kontròl aki a tuma lugá entre 19.30 or pa 23.00 or riba Schottegatweg
Noord na altura di warda di polis Rio Canario.
A kontrolá un total di 212 vehíkulo i un total di 57 shofùr a keda verbalisá pa e siguiente
infrakshonnan:
Manehá un vehíkulo sin:
ku e impuesto di vehíkulo ta pagá
faha di seguridat bistí
reibeweis bálido;
seguro bálido;
karchi di kùr bálido;
plachi di number na e vehíkulo dilanti;
Manehá un vehíkulo:
ku glas skur;
Tres shofùr mester a pasa test di alkohòl serka personal di K.Mar i un di nan a keda detené.
Tambe un estranhero ku no tabatin su dokumentunan na òrdu mester mèldu na
Departamentu di Imigrashon.
Ministerio Públiko a topa ku un total di 35 persona ku tabatin but atrasá, di kual 9 persona a
drenta areglo di pago i a kobra un total di Nafl. 1988,-.
