Un delegashon di Brantwer Kòrsou a biaha bai Appleton na Wisconsin pa inspekshoná, tèst i kontrolá e ultimo detayenan di nos proksimo brantspuit nobo ku Brantwer Kòrsou proksimamente lo haña.

Un delegashon di Brantwer Kòrsou a biaha bai Appleton na Wisconsin pa inspekshoná, tèst i kontrolá e ultimo detayenan di nos proksimo brantspuit nobo ku Brantwer Kòrsou proksimamente lo haña. E brantspuit aki, di marka Pierce ta traha riba spesifikashon di Brantwer Kòrsou. E modelo nobo aki, “pumper” tin un kapasidat di 1500 gallon ku un kapasidat di pòmp tambe di 1500 gallon i ta ekipá pa por tuma 6 bombero abordo. Si tur kos sigi segun plan, nos “baby” lo inisiá su biahe for di Appleton, pasa Miami i den luna di Ougustus 2019 lo yega Kòrsou.

E proyekto aki ta un proyekto ku tin mas ku 1 aña ku a inisiá kune.

Brantwer Kòrsou ta trahando duru pa sigi dal stapnan den kuadro di modernisashon di nos kuerpo i pa optimalisashon di ekiponan i vehikulonan pa paga kandela.