Nombramentu di Direktor i Direktor-athunto na Servisio pa Skolnan Públiko/Dienst Openbare Scholen (DOS)

Servisio pa Skolnan Públiko ta trahando firmemente i di forma sistemátiko rumbo pa bira skolnan magnetiko. Tin diferente trayekto andando pa sigui optimalisá e servisio pa skolnan públiko. Un di e faktornan klave ku ta determiná kalidat di enseñansa ta e tim ku ta na kabes di kada skol i ku mester guia e skolnan. Resientemente, despues di un trayekto di reklutashon i selekshon minisioso dor di e Ministerio di Enseñansa, Siensia, Kultura i Deporte, e siguiente profeshonalnan a keda nombrá na e siguiente skolnan:

• Sra Suyanne Janga, direktor Enseñansa Fundeshi Skol Elis Juliana, Tera Kòrá
• Sra Ana Muskus, direktor Enseñansa Fundeshi Helfrich/ Krijtschool, Suffisant
• Sr Shuwendy Bernadina, direktor Enseñansa Fundeshi Maduroschool, Steenen Koraal
• Sra Jeritza Vivas, direktor athunto Enseñansa Fundeshi Maduroschool, Steenen Koraal
• Sra Rocheline de la Paz, direktor athunto Enseñansa Fundeshi Helfrich/ Krijtschool, Suffisant

Masha pabien na kada unu di nan. Hinter e ekipo aki a risibí nan “pin” di bandera di Kòrsou for di man di Minister Marilyn Alcalá-Wallé komo símbolo di patriotismo pa nos nashon! Diferente kolega di DOS i tambe direktor di UOW sr. Wladimir Kleinmoedig a duna palabra di enkurashamentu na e tim nobo pa skolnan públiko.