Marshe di Seguridat i Prevenshon – Bándariba

Marshe di Seguridat i Prevenshon – Bándariba

Kuerpo Polisial Kòrsou (KPC – den persona di polisnan di bario Montaña) i Plataforma Bándariba ta
organisá e promé Marshe di Seguridat i Prevenshon na Bándariba dia 2 i 3 di novèmber 2019. Pa
hasi esaki posibel ta invitá kompanianan i organisashonnan ku tin di haber ku seguridat i prevenshon
pa un seshon di informashon.
E Marshe
E temanan sentral pa e Marshe aki ta prevenshon di kriminalidat primeramente na bo kas pero
tambe negoshi, ‘seguridat kontra kandela’ i kombatimentu di insidente i desaster; ku e meta pa
oumentá konsientisashon bou di e habitantenan di Kòrsou – en partikular bibá den área di Bándariba
– p’asina minimalisá e chèns ku nan ta bira víktima di kriminalidat, halsa e nivel di outo sufisiensia
(zelfredzaamheid) i habitabilidat den área di Bandariba i bisindario.
Informashon adishonal
Si un organisashon òf kompania ta interesá pa partisipá, nan ta keda kordialmente invitá pa asistí na
un reunion informativo:

fecha: 14 di ougùstùs 2019
ora: 10:00 or
lugá: ta keda anunsiá despues; pa medio di e ‘e-mail’ ku ta usa pa registrá

Por registrá pa e seshon di informashon aki na marshe.seguridat@gmail.com, pa mas tardá dia 7 di
ougùstùs 2019; lo hasi uso di e ‘e-mail’ aki tambe pa keda tene kontakto ku kompanianan i/òf
organisashonnan ku registrá.
Durante di e reunion aki KPC i Plataforma Bándariba lo trata na kontesta mas tantu pregunta posibel;
sinembargo lo ta habrí tambe pa ideanan i sugerensianan genial i efikas.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: