Detenshon relashoná ku atrako.

KOMUNIKADO DI PRENSA
303 / 2019
3 ougùstùs 2019
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 2 di ougùstùs 2019, alrededor di 16.18 or di atardi, sentral a dirigi un patruya den
Oranjestraat pa un kaso di atrako ku a kaba di tuma lugá.
Na yegada di e patruya na e sitio, nan a topa ku dos suidadano ku a deklará na polis ku nan
a mira kon dos hòmber sospechoso, un ratu prome a atraká dos turista i kita un tas for di un
di nan i kore bai.
E suidadanonan aki mesora a start un persiguishon na pia tras di e dos sospechosonan aki i
na altura di un skol den Oranjestraat a logra di kaptura un di nan. E otro sospechoso a logra
di kore bai.
Na e sitio polis a detené e hòmber A.A.G.A. nasé na Venzuela di 34 aña di edat, komo
sospechoso den e kaso ariba menshoná. Tambe polis a konfiská un tas ku kontenido.
A presentá e sospechoso dilanti di un Fiskal Ouksiliar, ku a ordená su enkarselamentu
pendiente di mas investigashon.