Promé sertámen di beyesa riba Freewinds aki na Kòrsou

Promé sertámen di beyesa riba Freewinds aki na Kòrsou

Awe djamars lo ta e fecha ku e promé sertámen riba e barku Freewinds ta bai tuma lugá mará den haf aki na Kòrsou. Manera a wòrdu partisipá, pa Marvelous Production ta un honor di ta e promé organisashon ku lo organisá un sertámen di beyesa riba e barku Freewinds.

E elekshon ta enserá kompetensia di Best Model, Speech i Trahe Nashonal ku tema di Seú, ku mag agregá un fantasia rondó di dje ku e enfoke mester keda kòrda nos riba kosnan di Kòrsou. E kategoria nan ku lo kompetí lo ta Pre-Teen, Teen, Miss i Mrs.

Mester agregá ku ekspektativa nan ta sumamente haltu pa ku e evento aki i e personal tambe di Freewinds ta sumamente kontentu ku e inovashon aki. Danki na e kapitan di Freewinds i tambe su staf ku a brasa e proyekto aki mesora. Nos ta sumamente kontentu ku tin hende nan ku ainda ta kere den organisashon nan serio di hóben nan determiná pa trese evento nan na nivel i kosnan nobo pa Kòrsou.

E evento lo ta di 7’or pa 9’or di anochi i nos lo brinda e oportunidat pa por kumpra karchi na porta tambe pa solamente 15 florin.  Marvelous Production ta warda pueblo di Kòrsou kompleto pa bin sostené nos hóben nan den un ambiente otro for di tur otro riba Freewinds ku lo ta mará na Motèt wèrf.

Kòrda trese un ID pa por subi riba Freewinds.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: