Kaso di maltrato serio.
KOMUNIKADO DI PRENSA 326 / 2019
18 ougùstùs 2019
Kaso di maltrato serio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu dia 18 di ougùstùs 2019 alrededor di 01.26’or di mardugá, Sentral di Polis a
dirigí un unidat polisial na Kaya Malwa pa un kaso di maltrato serio.
Na yegada di e unidat, el a bin topa un dama ku un herida serio na altura di su garganta i ku
tabata sangra bastante.
Mesora a pidi presensia di ambulans na e sitio ku a transportá e dama D.M. nase na Kòrsou
di 33 aña di edat pa poliklínika di SeHos pa tratamentu médiko.
Den serkania, polis a bin topa ku e sospechoso, e hòmber R.R. nase na Kòrsou di 31 aña di
edat.
E hòmber aki tabata sintá den un outo ku a aksidentá kontra di un kurá di un kas.
E tabatin su pia i man frakturá, motibu pa kua e tambe mester a keda transportá ku
ambulans pa poliklínika.
For di un investigashon ku polis a realisá na e sitio, a sali na kla ku e pareha aki tabata
huntu na kas i pa un motibu te ainda deskonosí, e hòmber R. lo a kòrta su partner M. ku un
nabaha.
Despues di su akto, e sospechoso R. a drenta un outo, kore ku velosidat haltu i bai aksidentá
kontra di un kurá di kas ei banda.
Ámbos víktima a keda interná den hospital i asina ku e posibilidat presentá, lo detené e
hòmber sospechoso R.R. pa mas investigashon.
