Parlamentario Curtley Obispo: Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata Dividenduitkeringen i Bureau Telecommunicatie & Post.

Minister di Finansa  

Señor Kenneth Gijsbertha

Pietermaai #17/Pietermaai 4-4A

 

Djaweps, 15 ougùstùs 2019

 

Tópiko:  Ehekushon di presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata Dividenduitkeringen i Bureau Telecommunicatie  & Post.

 

Apresiabel señor Minister Kenneth Gijsbertha,

Pa ami komo parlamentario ta masha importante den kuadro di mi trabou di kontrol parlamentario/ehekushon di Presupuesto 2019 di Pais Kòrsou, pa sa ku si tin riesgonan òf ta  antisipá riesgonan pa ku 100% realisashon i kobransa di entradanan ku ta solamente presupuestá den e luna di December 2019. A base di e Rapòrt di Maneho Finansiero di Mei 2019, mi ta aserka Minister di Finansa ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

 

• Entrada di Dividenduitkeringen

 

Presupuesto pa aña 2019 tin un montante total di 35.6 mion florin di kompanianan anónimo di Pais Kòrsou, kual mester ta kobra den desèmber 2019. Pregunta: Minister di Finansa ta antisipá ku lo bai tin riesgo(nan) pa kobra e montante total di 35.8  mion florin? Si òf no. Dikon si òf no?

 

• Entrada di Bureau Telecommunicatie & Post.

 

Presupuesto pa aña 2019 tin un montante total di 15.3 mion florin di Bureau Telecommunicatie & Post, kual mester ta kobra den desèmber 2019. Pregunta: Minister di Finansa ta antisipá ku lo bai tin riesgo(nan) pa kobra e montante total di 15.3 mion florin? Si òf no. Dikon si òf no?

 

Atentamente,

 

Curtley Obispo

Parlamentario pa Kòrsou

PAR