Apertura proyekto Kunukito di Skol

Apertura proyekto Kunukito di Skol

 

WILLEMSTAD- Minister di Salú, Medioambiente i Naturalesa, Sra. Suzy Camelia-Römer ta lansa ku gran entusiasmo e proyekto Kunukito di Skol.

E proyekto aki su vishon i meta ta pa krea den skolnan, espasionan abundante na alimento nutritivo, i stimulá un patronchi di alimentashon saludabel serka tur alumno i personal di e skol.

 

E kuater skolnan partisipante na e proyekto piloto aki ta skolnan spesial. Ta trata aki di skolnan: Blenchi school (Otrobanda), Alablanca school (Barber), Frater Evonius school (Koraal Specht) i Broeder Rigobertusschool (Sta. Rosa).
E proyekto aki inisialmente lo duna training di agrikultura duradero i alimentashon saludabel na e dosentenan. E dosente na su turno lo pasa e konosementu atherí den e kurso na su alumnonan. Tin hopi animo tantu serka e tim di e dosentenan komo e alumnonan pa kuminsá ku e proyekto aki. 

Ministerio di SMN ta invita’bo pa bin presensiá e apertura ofisial di e proyekto Kunukito di Skol. Lo hasi desvelo di bòrchinan na kada skol ku ta indiká ku e skol ta un skol partisipante na e proyekto i tambe lo inougurá un “greenhouse”na kada skol, kaminda e alumno nan lo haña materia nan relashoná ku agrikultura i tambe práktika di kon planta i kuida matanan ku por forma parti di nan nutrishon.

 

Apertura lo tuma lugá na e sigiente sitionan :

Dia: 27- 08- 2019  Ora :9:30 Alablanca school, Barber (patras di Brandweer Barber).

 

Dia 28 – 08 -2019  Ora :9:30 Frater Evonius school, Koraal Specht (dilanti di misa di Koraal Specht).

Dia 29 -08- 2019  Ora :8:30  Blenchi school, Pater W. Eeuwensweg (patras di El Señorial).

Dia 30 -08 – 2019  Ora :9:30 Broeder Rigobertusschool, Sta Rosa 29.