Wak e video aki: Rekompensa di 5 mil florin pa informashon tokante di kandela na ofisina di impuesto

Wak e video aki: Rekompensa di 5 mil florin pa informashon tokante di kandela na ofisina di impuesto

KOMUNIKADO DI PRENSA 340 / 2019
27 ougùstùs 2019
Rekompensa di 5 mil florin pa informashon tokante di kandela na ofisina di
impuesto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku e kandela ku a surgi na ofisina di Impuesto na Regentesselaan den e mardugá
di djaweps 22 di ougùstùs último, Polis huntu ku Ministerio Públiko ta realisando
investigashon pa determiná mas pronto posibel, kousa di e kandela aki.
Den kuadro di esaki, ta hasi un súplika na komunidat pa koperá ku informashon den kaso ku
a nota un situashon sospechoso den e besindario ei.
E entidatnan aki athunto na e komunikado aki ta suministrá imágennan pero tambe e
informashonnan ku e tim investigativo ta deseá.
I esakinan ta:
– Si tin siudadano ku konosé e vehíkulo aki;
– Si konosé e outo aki i por asosi’é ku dos òf tres persona maskulino;
– Si tin hende ku por a mira e vehíkulo òf e hòmbernan aki promé òf despues di e
kandela na e ofisina di servisio di impuesto.
Ministerio Públiko ta duna un rekompensa di 5 mil florin na e informashon ku por kondusí
na solushon di e kaso aki.
Pa duna tep riba e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná
e kaso aki tambe.

This site uses Akismet to reduce spam. Learn how your comment data is processed.

error: Content is protected !!
%d bloggers like this: