REAPERTURA SENTRO DI BARIO AMBOINA

REAPERTURA SENTRO DI BARIO AMBOINA

 

Kralendijk – Sentro di bario Amboina a bolbe habri. E reapertura a tuma lugá djabièrnè 30 di ougùstùs i ta parti di e programa di desaroyo di bario na Boneiru. E plan ta pa hasi e sentronan di bario aksesibel atrobe pa pueblo por hasi uso di nan. 

 

A invitá grandinan di Villa Antonia pa apertura di sentro di bario Amboina. Promé ku e apertura ofisial, e grandinan a hasi gemastik i hunga wega bou di guia di Gwendoline Concepcion. Diputado Nina den Heyer a hasi apertura ofisial di e sentro. Den Heyer a bisa ku e ta kontentu ku tin un sentro pa tur hende den bario. 

 

El a bisa tambe ku e ta sinti su mes na kas na e sentro di bario huntu ku e grandinan. E grandinan tin un lugá spesial den su kurason. Den Heyer a hasi un yamada pa  kuida e sentro di bario pa e keda bunita, pa asina tur hende por disfrutá pa hopi aña di dje. 

 

Pierre Perigault Monte ta koordinadó di programa pa desaroyo den bario. Monte a bisa ku e ta masha kontentu ku e sentro ku ta ful renobá. Den oranan di mainta i di atardi tabatin un programa variá pa hende grandi, mucha i hóben di bario. 

Gobièrnu di Boneiru ta felisitá bario di Amboina ku e logro akí.  

 

 

 

 

—-

This site uses Akismet to reduce spam. Learn how your comment data is processed.

error: Content is protected !!
%d bloggers like this: