Inspekshon di Impuesto ta halá fecha di entrega di deklarashon di entrada pa fecha nobo ku ta bira djaluna 2 di desèmber 2019

Inspekshon di Impuesto ta halá fecha di entrega di deklarashon di entrada pa fecha nobo ku ta bira djaluna 2 di desèmber 2019

Willemstad – Relashoná ku e kandela ku tabatin den e edifisio di impuesto, Inspekshon di Impuesto no por duna e servisio nesesario pa klientenan por hasi deklarashon di entrada online.  Pa e motibu aki ta hala e fecha di entrega di deklarashon di entrada (aangifte inkomstenbelasting) 2018 di djaluna 16 di sèptèmber pa e fecha nobo ku ta bira djaluna 2 di desèmber 2019.

Tambe Inspekshon di Impuesto ta partisipá ku, mientras ku nan sistemanan no ta funshoná, no ta posibel ainda pa duna deklarashon di entrada pa por ehèmpel DUO, SVB, Imigrashon i ni tampoko por duna klientenan ku ta bandona pais e stèmpelnan nesesario. 

Pa entregá dokumento manera verzoekschrift òf bezwaarschrift klientenan por akudí na e ofisina temporal di Inspekshon di Impuesto na Centrale Debiteurenadministratie  den edifisio di Pietermaai Parking Mall Unit 16A i 16B na Pietermaai. Pa informashon por yama number 432-8400.

.

*************

Inspekshon di Impuesto ta halá fecha di entrega di deklarashon di entrada pa fecha nobo ku ta bira djaluna 2 di desèmber 2019