Djasabra 7 Sèptèmber último den Acoya Curaçao Resort Sharon Meyer di 24 aña di edat a keda koroná komo “Miss World Curaçao 2019” pa su susesora Nazira Colastica

Djasabra 7 Sèptèmber último den Acoya Curaçao Resort Sharon Meyer di 24 aña di edat a keda koroná komo “Miss World Curaçao 2019” pa su susesora Nazira Colastica. 

Sharon Meyer a nace na Kòrsou dia 2 di december 1994. Despues di a termina su estudio na Peter Stuyvesant College e la bai Stony Brook University na New York, kaminda e la studia Finance i Polical Science. Tambe e la hasi Business honors program.

 

Sharon lo sali Kòrsou dia 19 di november próksimo rumbo pa London, Inglatera na unda e sertámen di Miss World 2019 lo tuma lugá. E aña aki 130 partisipante di rond mundu lo kompetí pa e korona di Miss World. Manera ta konosí e sertamen di Miss World no ta un sertamen ku solamente ta konsentra riba e beyesa fisiko. E organisashon tin un formula diferente pa skohe mundu su representante di beyesa. E partisipantenan lo komperti den diferente kategoria kualnan ta “Multimedia”, “Deporte”, “Talento”, “Top Model”, “Head to Head Challenge” i “Beauty With A Purpose”. 

Kada partisipante ku resulta e ganado di un di e kompetensianan aki lo klasifika pa forma parti di e Top 30 pa e final Miss World 2019 kual ta dia 14 di december 2019.

 

ReProD ta felisita Sharon Meyer komo Kòrsou su Miss World 2019 i ta desee tur klase di eksito pa ku su preparashon pa e prestigioso sertamen Internashonal.

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: