Marvelis Hous ganadó apsoluto di Songfestival Basilon Sablika 

Marvelis Hous ganadó apsoluto di Songfestival Basilon Sablika 

Djadumingu a tuma lugá e promé Songfestival Basilon di Sablika enkonekshon ku selebrashon 10 aña Grupo Rítmiko Sablika den Clun Union Boneriano.

Un kantidat di 7 partisipante a demostrá kiko tur nan tin aden i a duna un show fenomenal. E songfestival aki a keda dediká na Edion “Loloi” Booy pa su kontribushon na trese alegria den kurashon di hinter pueblo di Kòrsou pa 28 aña largu.

Riba e atardi aki E Famia Sablika a duna un homenahe na Edion, algun integrante di Grupo Rítmiko Sablika ku tei pa 10 aña i tambe na algun persona ku pa 10 aña largu a bin ta sostené i duna nan apoyo inkondishonal na Sablika.

E resultado final tabata: Segundo finalista a bai pa Caroline Philips, Promé finalista, Mihó Trahe, Mas Dinámiko, Mas Amistoso pa Valeskka Felipa, Ganadó apsoluto, Mihó Show, Mihó Aktuashon, Mas Popular i Letra mas Chistoso a resultá Marvelis Hous.

Sigui spera mas di E Famia Sablika pa asina keda mantené nos Kultura na haltu.