Pronóstiko di tempu pa Kòrsou i bisindario bálido te djárason mainta 6:00 o.l, 11 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l, 11 di sèptèmber 2019.
Kompilá: djamars 10 di sèptèmber 2019, 05:00 o.l.  (09:00 UTC).

Tempu: Por lo general parsialmente nublá ku wer seku.

Temperatura máksimo lo alkansá 34 ºC, i temperatura mínimo di 28 ºC.
Solo ta sali 06:25 i ta baha 18:40 o.l.

Bientu: Direkshon entre ost i sùitost i moderá; forsa 3 pa 4 (12 pa 30 km/ora, 7 pa 16 nudo). Ráfaga de bes en kuando basta fuerte te posiblemente fuerte; forsa 5 te 6 (31 pa 50 km/ora, 17 pa 27 nudo).

Situashon general: Un ola tropikal ta krusa e parti ost di Laman Karibe den transkurso di awe, sin muchu aktividat asosiá kuné den nos área. E fluho di bientu prinsipalmente sùitost, ainda por promové sintimentu di un poko kalor.

Kondishon di laman: Trankil te moderá ku altura di olanan entre 0.5 pa 1.5 meter (2 pa 5 pia).

Sistemanan signifikante di wer tropikal: Tormenta Tropikal Gabrielle ta move nortost leu riba Osean Nort-Atlántiko. E sistema tropikal aki no ta un peliger pa Kòrsou.

Fenómeno spesial: Ningun.

Perspektiva te djaweps mainta: Shelu ta sigui por lo general parsialmente nublá huntu ku un chèns leve pa awa kai.

Meteorólogo: Coffie