Diputado Nina den Heyer: PREPARÁ STUDIANTENAN KU TA BAI HULANDA MAS MIHÓ AINDA
Diputado Nina den Heyer:
PREPARÁ STUDIANTENAN KU TA BAI HULANDA MAS MIHÓ AINDA
Den Haag – Diputado Nina den Heyer riba e promé dia di su bishita di trabou na Hulanda a hiba konsulta ku TuranGoeloe, e ofisina ku e aña aki pa di promé biaha (komo tarea di ministerio di Enseñansa, Kultura i Siensia) ta enkargá ku akohida i guia di studiantenan for di Hulanda Karibense.
Halima Turan, kende huntu ku Lushena Goeloe na aña 2016 a lanta e ofisina, a raportá tokante nan eksperensianan te ku awor. Esakinan ta positivo: topamentu di e 35 studiantenan for di Boneiru kuminsamentu di ougùstùs a bai sin problema. Durante e promé luna un ‘buddy’ a guia e studiantenan ku a kaba di yega intensivamente. El a yuda ku reglamentu di tur sorto di asuntu práktiko i ku eksplorashon di e ambiente nobo di biba. Djasabra ta klousurá e promé fase aki ku un entrenamentu ku ta enfoká riba kultura di skol, traha presupuesto personal i plania.
‘E studiantenan tin ku kustumbrá hopi. Nan a drenta den un mundu kompletamente otro. Kaminda ku na kas nan a lanta bastante protehá ku hopi kontakto sosial, awor nan a drenta den un kultura kaminda nan ta pará riba nan mes. Na Hulanda bo ta dependé di bo mes. P’esei den e guia ku nos duna nos ta dediká hopi atenshon na outosufisiensia. I nos ta prepará nan riba e echo ku aworó nan ta akudí na un ‘hogeschool’ kaminda nan ta un di e miles di studiantenan.’
Diputado Den Heyer a hasi informashon tokante e 2 studiantenan ku rápidamente despues di a yega Hulanda a bolbe bèk kaba. Halima Turan a splika ku un di nan tabata sinti masha hopi falta di su hendenan i e otro a haña Hulanda muchu drùk. Diputado Den Heyer: ‘Esei ta nifiká ku nos mester dediká mas atenshon na preparashon di nos studiantenan.’ Na luna di novèmber un tim di TuranGoeloe ta bini Boneiru pa duna un ‘masterclass’ na studiantenan ku ta kabando enseñansa avansá i ta konsiderando pa sigui ku nan estudio na Hulanda i nan mayornan tokante diferensia di kultura etc. ‘Duna informashon ta importante. Ora boso ta na Boneiru nos lo organisá un enkuentro ku medionan di komunikashon di manera ku boso por konta tokante boso eksperensianan. I nos ta bai wak kon nos komo gobièrnu di Boneiru por aportá pa yega na un mihó preparashon di nos studiantenan. Nos tin ku hasi tur loke ta na nos alkanse pa hasi nan oportunidatnan pa ta eksitoso mas grandi posibel, pasobra gustosamente nos ke mira nos hóbennan talentoso regresá ku e konosementu i eksperensia ku nan a atkerí na Hulanda pa yuda ku desaroyo mas aleu di Boneiru’, sigun diputado Den Heyer.
For di 12 te ku 20 di sèptèmber diputado Nina den Heyer ta ku un bishita di trabou na Hulanda Oropeo. Un gran parti di e programa tin di haber ku maneho di hubentut i hóbennan. E diputado lo bishitá diferente organisashon den e sektor aki i hiba kombersashon ku entre otro ministerio di Enseñansa, Kultura i Siensia.
Riba potrèt:
- Diputado Nina den Heyer den kombersashon ku Halima Tura.
- Diputado Nina den Heyer ku Halima Turan i trahadónan di TuranGoeloe.
Na momentu di publikashon di e potrètnan por fabor menshoná: Foto Nico van de Ven/OLB
Gedeputeerde Nina den Heyer:
STUDENTEN DIE NAAR NEDERLAND GAAN NOG BETER VOORBEREIDEN
Den Haag – Gedeputeerde Nina den Heyer heeft op de eerste dag van haar werkbezoek aan Nederland overleg gevoerd met TuranGoeloe, het bureau dat dit jaar voor het eerst (in opdracht van het ministerie van Onderwijs, Cultuur en Wetenschap) de opvang en begeleiding van studenten uit Caribisch Nederland verzorgt.
Halima Turan die samen Lushena Goeloe het bureau in 2016 heeft opgericht deed verslag van de ervaringen tot nu toe. Die zijn positief: de ontvangst op Schiphol begin augustus van de 35 studenten uit Bonaire is vlot verlopen. De eerste maand zijn de nieuwkomers intensief begeleid door een buddy die geholpen heeft bij het regelen van allerlei praktische zaken en een verkenning van de nieuwe woonomgeving. Deze eerste fase wordt zaterdag afgesloten met een training gericht op de schoolcultuur, budgetteren en plannen.
,,Het is heel erg wennen voor de studenten. Ze komen in een totaal andere wereld. Waar ze thuis redelijk beschermd opgroeien met veel sociale contacten komen ze in een ik-cultuur. In Nederland ben je op jezelf aangewezen. We besteden daarom in de begeleiding veel aandacht aan zelfredzaamheid. En we bereiden ze er op voor dat ze straks op een hogeschool terechtkomen waar ze een van de vele duizenden studenten zijn.”
Gedeputeerde Den Heyer informeerde naar de 2 studenten die al kort na aankomst zijn teruggekeerd. De een had enorm last van heimwee. De ander vond Nederland veel te druk, lichtte Halima Turan toe. Gedeputeerde Den Heyer: ,,Dat betekent dat we nog meer aandacht moeten besteden aan de voorbereiding.” Een team van TuranGoeloe komt in november naar Bonaire om aan eindexamenleerlingen die overwegen hun studie in Nederland voort te zetten en hun ouders een masterclass te geven over het wonen en leven in Nederland, de cultuurverschillen e.d. ,,Voorlichting is belangrijk. Als jullie op Bonaire zijn zullen wij een mediatour organiseren zodat jullie je verhaal kunnen doen. En laten we kijken hoe wij als openbaar lichaam een bijdrage kunnen leveren aan een betere voorbereiding van de studenten. Wij moeten er alles aan doen om hun succeskansen zo groot mogelijk te maken, want wij zien onze talentvolle jongeren graag met de kennis en ervaring die ze in Nederland opdoen terugkeren om te helpen bij de verdere ontwikkeling van Bonaire”, aldus gedeputeerde Den Heyer.
Gedeputeerde Nina den Heyer brengt van 12 tot en met 20 september een werkbezoek aan Europees Nederland. Het programma staat grotendeels in het teken van jeugd en jongerenbeleid. De gedeputeerde zal diverse organisaties in deze sector bezoeken en besprekingen voeren met onder meer het ministerie van Onderwijs, Cultuur en Wetenschap.
Bij de foto’s:
1) Gedeputeerde Nina den Heyer in gesprek met Halima Turan.
2) Gedeputeerde Nina den Heyer met Halima Turan en medewerkers van TuranGoeloe.
Bij publicatie van de foto’s gelieve te vermelden: Foto Nico van Ven/OLB.
