Parlamentario Curtley Obispo: E di 4 resúmen Kuenta i Rason Aña Parlamentario 2018/2019: kapítulo 2 di 4

E di 4 resúmen  Kuenta i Rason Aña Parlamentario 2018/2019: kapítulo 2 di 4.

Parlamentario Curtley Obispo ta sigui duna kuenta i rason na Pueblo di Kòrsou. Esaki ta e di 8 relato for di dia 4 yanüari 2017 ku e ta miembro di Parlamento di Kòrsou. E biaha aki, e di 4 resúmen Kuenta i Rason over di aña parlamentario 2018/2019 (periodo di 11 sèptèmber 2018 te ku 9 sèptèmber  2019).

 

  • Kartanan na Ministernan di Gobièrnu di Kòrsou, den kuadro di duna di kuenta/rason i ehekushon di Presupuesto 2019 di Kuenta Koriente di Pais Kòrsou

 

Durante e aña parlamentario 2018/2019, parlamentario Curtley Obispo a hasi uso aktivamente di e derecho komo parlamentario di hasi preguntanan na  Ministernan di Gobièrnu di Kòrsou a base di: (1) artíkulo 57 di Areglo di Estado di Kòrsou i (2) artíkulo 96 di Reglamento di Órden di Parlamento di Kòrsou.  E la skibi un total di 33 karta ku preguntanan i petishonnan na Ministernan di Gobièrnu di Kòrsou. Kontròl parlamentario sigur ta masha importante pa loke ta trata finansa públiko i dunamentu di kuenta i rason. Dunamentu di kuenta i rason na tempu pa medio di kuenta nan anual audita (kontrolá) ta importante pa loke ta trata: (1) Pais Kòrsou, (2) instansianan derivá for di lei, (3) kompanianan anónimo di Pais Kòrsou i (4) fundashonnan di Pais Kòrsou.  Ehekushon di e Presupuesto 2019 di Kuenta Koriente di Pais Kòrsou na bienestar i progreso di Kòrsou, ta importante den kuadro di: (1) solidaridat di belasting di tur kontribuyentenan, (2) e kontribushon kolektivo na tempu di kontribuyentenan di belasting i gastunan kolektivo. 

Ta p’esei durante e aña parlamentario 2018/2019, parlamentario Curtley Obispo a skibi 20 karta na Ministernan di Gobièrnu di Kòrsou pa loke ta trata e tópikonan importante ariba menshoná. Ta trata di e siguiente 20 kartanan a base di su plan di trabou di kontròl parlamentario: (1) preguntanan adishonal riba e tópiko compliance i ehekushon di impuesto riba vehíkulonan motorisá (motorrijtuigenbelasting, (2) Ehekushon di Presupuesto 2019 Pais Kòrsou – kobransa di impuesto di vehíkulo, (3) Ehekushon di Presupuesto 2019 Pais Kòrsou – kobransa erfpacht, (4) Ehekushon di Presupuesto 2019 Pais Kòrsou – reglanan i leinan di kontabilidat pa gastunan presupuestá, (5) Ehekushon di Presupuesto 2019 Pais Kòrsou – kobransa di impuesto di alohamentu (“logeergastenbelasting”), (6) Ehekushon di Presupuesto 2019 Pais Kòrsou – kobransa di impuesto di traspaso (“overdrachtsbelasting”), (7) Status di kuentanan anual pendiente di Buskabaai N.V. i Curaçao Dokmaatschappij Holding N.V., (8) Trayekto di fiha kuenta anual 2018 di Pais Kòrsou, (9)  Status di kuenta anual 2017 di Analytisch Diagnostisch Centrum N.V. (ADC), (10)  Status di kuentanan anual pendiente te ku aña 2017 di instansianan ku ta derivá for di lei,  (11) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Salubridat, Medio Ambiente i Naturalesa, (12) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Hustisia, (13) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Asuntunan Sosial, Labor i Bienestar, (14) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Tráfiko, Transporte i Planifikashon Urbano, (15) Ehekushon di Presupuesto 2019 Pais Kòrsou – kobransa di impuesto di sushi (“afvalstoffenbelasting”), (16) Ehekushon di Presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata kontribushon di belasting, (17) Ehekushon di Presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata “Andere Baten”. (18) Ehekushon di Presupuesto 2019 Pais Kòrsou – Rapòrt di Maneho Finansiero Mei 2019 pa loke ta trata Dividenduitkeringen I Bureau Telecommunicatie & Post, (19) Ehekushon di Presupuesto 2019 di Pais Kòrsou – Rapòrt di Maneho Finansiero Mei 2019 pa loke ta trata gastunan operashonal, (20) Kon ta bai garantisá solidaridat di kontribushon i pago na tempu di belasting di vehíkulo dor di tur kontribuyentenan?

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: