Posibilidat di wak konsierto na Aruba ku buelonan charter Marco Antonio Solis den konsierto na Aruba

Posibilidat di wak konsierto na Aruba ku buelonan charter

Marco Antonio Solis den konsierto na Aruba

 

WILLEMSTAD/ Preparashonnan pa e gran konsierto di Marco Antonio Solis na Aruba ta tremendo; resientemente promotornan di e evento na Aruba a risibí bishita di e manager i hefe di produkshon di Marco Antonio Solis. E kompania enkargá ku zonido i lus riba e gran anochi di konsierto, dia 10 di novèmber lo ta Elite Entertainment. Marco Antonio Solis no solamente ta un kantante pero tambe un gran kompositor ku desena di éksito na su nòmber. Dia 10 di novèmber e lo ta pa promé bes den konsierto na Aruba ku e produkshon: El Mas Querido Tour!

 

Buelonan charter pa Aruba

Miéntras ku e dianan ta aserkando pa e konsierto na Aruba, e charternan pa Aruba tambe ta yenando. Mirando e magnitut di e konsierto, promotornan a prepará paketenan sumamente atraktivo pa tur ku ta deseá di bai Aruba i gosa dia 10 di novèmber próksimo. E paketenan ta inkluí bo pasashi di Kòrsou -Aruba- Kòrsou i tur airport tax saliendo dia 10 di novèmber for di Kòrsou, regresando dia 11 di novèmber. Tambe a inkluí estadia na e hotèl mas nobo di e isla esta Hyatt Place Aruba Airport, sin laga afó transporte for di e hotèl pa e konsierto i bin bèk. Den e pakete a inkluí desayuno i un light lunch na yegada na hotel. Ta keda na kada persona pa mira kual asiento ta su preferí, sea VIP of VIP plus p’asina por skohe e pakete ku mas e ta deseá. Ámbos di e paketenan ta inkluí kos di bebe na mesa. Pa informashon i reservashon por yama 510 1321. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: