11 AÑA KAMINATA 60 PLUS ROBERT (BOY) ANDREA
11 AÑA KAMINATA 60 PLUS ROBERT (BOY) ANDREA
Willemstad, 18 di sèptèmber 2019
E aña aki ta pa di 11 aña konsekutivo ku FUN WALK ta organisá un kaminata gratis, spesial pa tur pèrsona 60 plùser. E ta un regalo di FUN WAIK pa tur persona ku tin 60 aña òf mas.
E regalo aki ta en konekshon ku e selebrashon di dia 1 di òktober, instituí pa Nashonnan Uni komo dia Internashonal di Grandinan.
E idea ta pa stimulá kanamentu (moveshon) bou di tur 60 plùser i pa nan pasa algun ora kontentu i alegre ku Fun Walk, topando otro 60 plùsernan.
E partisipashon na e kaminata aki ta grátis. Esaki a bira posibel, danki na tur e
empresanan ku a spònsor Fun Walk su kaminata grandi di dia 8 di aprel 2019 i tambe na e partisipantenan ku a kumpra karchi pa partisipa na e kaminata aki.
E kaminata aki ta tuma lugá djadumingu 6 di òktober awor. E kaminata ta kuminsá i terminá na SVB. E partisipante 60 plùser ta kana e distansha ku e ke i òf por.
Por kana 1, 3, 4, 5 òf 8 km. Nos ta kuminsa kana mitar di 7 di mainta.
Pa partisipá tin ku yena un formulario di inskripshon i e ora ei bo ta risibí e karchi di partisipashon.
Por inskribí e siguiente dianan riba Brionplein.
Djaluna 23 di sèptèmber di 5 or pa 7 or di anochi
Djarason 25 di sèptèmber di 5 or pa 7 or di anochi
Djaluna 30 di òktober di 5 or pa 7 or di anochi
Tambe por yena e formulario di inskripshon, serka miembronan di Fun Walk.
Por yama e siguiente numbernan di telefòn 522-0423 i 568-8562.
Despues di 1 di òktober no por aseptá mas inksripshon.
Fun Walk ta wardabo. Inskribí na tempu i danki pa partisipá.
“60 plùser bin kana, selebrá i disfrutá ku Fun Walk”
Na nòmber di direktiva di Asosashon Fun Walk
