Curtley Obispo: ban sembra tambe awe sivismo fiskal i solidaridat di kontribushon di belasting na tempu, pa Kòrsou bai dilanti i progresá!

Ban sembra tambe awe sivismo fiskal i solidaridat di kontribushon di belasting na tempu, pa Kòrsou bai dilanti i progresá!

Parlamento di Kòrsou den su reunion di Komishon sentral di dia 17 sèptèmber 2019 a trata e rapòrt i e presentashon di Kámara di Komersio di Kòrsou titulá: “Ban sembra awe pa nos kosechá mañan”. 

Durante su disertashon parlamentario Curtley Obispo a trese dilanti atrobe e tema importante di: solidaridat di kontribushon di belasting na tempu a base di nos leinan fiskal di Pais Kòrsou. Pais Kòrsou tin pobresa i tambe tin pobresa di fondonan pa ku Pais Kòrsou, pasombra no tin un grado haltu di solidaridat di belasting aki na Kòrsou. Testigu di esaki ta e sènnan ku Pais Kòrsou tin riba kaya pa loke ta entre otro: (1) belasting di outo, mas di 30 mion florin, (2) belasting di alohamentu, mas di 90 mion florin. Sennan kual ta urgente i nesesario pa ehekutá i finansiá e Plan Maestro di Turismo, pa asina turismo krese aki na Kòrsou na bienestar di nos tur, (3) e mas di 120 mion florin di omzetbelasting ku a kobra pueblo durante añanan i ku no a yega kaha di nos Pais Kòrsou. Pa asina finansiá gastunan kolektivo na tempu na bienestar i progreso di Pais Kòrsou. 

Segun parlamentario Curtley Obispo, pa ehekutá e rapòrt ambisioso di Kámara di Komersio di Kòrsou, tambe mester tin 100% di solidaridat di  kontribushon di belasting di tur kontribuyentenan segun leinan di fiskal di Pais Kòrsou. Si nos komo Pais Kòrsou ke logra ehekutá plannan ambisioso, tur kontribuyente mester duna su aporte i kontribuí na tempu ku  nos Pais Kòrsou i tambe segun leinan fiskal di Pais Kòrsou. Pa asina nos por hasi hasi e invershonnan den ekonomia pa nos Pais Kòrsou por progresá. Solidaridat di kontribushon di belasting na tempu segun leinan di Kòrsou, mester ta parti di e agènda di desaroyá Kòrsou komo un Nashon. Den kresementu di Pais Kòrsou i konstrukshon di Kòrsou komo un Nashon (“Nation Building”) mester inkluí tambe komo meta: (1) Sivismo fiskal i (2) solidaridat di kontribushon di belasting di tur kontribuyentenan na tempu segun leinan di fiskal di Kòrsou. Pa e motibu aki, ban sembra tambe for di awe e sivismo fiskal den nos komunidat i tambe e solidaridat di kontribushon di belasting na tempu segun nos leinan di Kòrsou. Pa asina nos Pais Kòrsou por bai dilanti i progresá!

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: