Digicel kontentu di por a duna un kontribushon na World Cleanup Day

Digicel kontentu di por a duna un kontribushon na World Cleanup Day

 

WILLEMSTAD: Djasabra último Digicel,  a djòin e akshon di limpiesa mas grandi na mundu sosteniendo World Cleanup Day Curaçao.  Na kaminda pa e evento Digicel a kompañá e konsientisashon via di social media kompartiendo diferente video di embahadornan di Digicel i influensiadónan lokal, tur papiando di e tema i e mihó manera pa yuda tene Kòrsou limpi. 

 

Digicel su partisipashon na World Cleanup Day ta suprayá su responsabilidat sosial ku nos komunidat. Mas ku 50 empleado di Digicel i TRES a yuda durante di e akshon di limpiesa. E aña aki a konsentrá tur esfuerso den área di Saliña i Fokkerweg. Digicel a risibí aporte balioso di su embahadornan Rasta Bals, i Prens Faisel Zimmerman.  CEO di Digicel, Roeland van der Hoeven ku tambe tabata presente djasabra último a indiká ku ‘maneho di limpiesa i medioambiente’ ta un tema hopi importante pa nos isla. “Ta un plaser pa djòin mi koleganan den e akshon di limpiesa. Nos ta konsiderá esaki un responsabilidat sosial i korporativo pa kontribuí na un isla mas ‘bèrdè’. Ta importante pa nos tuma inisiativanan pa tene nos medioambiente limpi. Mi ta orguyoso di e trabou duru ku nos empleadonan i amigunan di nos empresa a desplegá djasabra último”.  Riba fotonan athunto un impreshon di e team di Digicel ku a kontribuí na e akshon di limpiesa djasabra último.