Pronóstiko di tempu pa Kòrsou i bisindario bálido te djamars mainta 06:00 o.l, 24 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 24 di sèptèmber 2019.
Kompilá: djaluna 23 di sèptèmber 2019, 05:00 o.l. (09:00 UTC).

Tempu: Parsialmente te hopi nublá ku algun áwaseru i un bes mas tin posibilidat pa welek i bos.

Temperatura máksimo lo alkansá 33ºC, i temperatura mínimo di 26 ºC.
Solo ta sali 06:25 i ta baha 18:31 o.l.

Bientu: Di diferente direkshon i suak te moderá; forsa 2 pa 3 (7 pa 19 km/ora, 4 pa 10 nudo). Prinsipalmente den áwaseru, ráfaga te basta fuerte; forsa 4 te 5 (20 te 39 km/ora, 11 te 21 nudo). Den anochi, temporalmente mas kalmu.

Situashon general: Durante di próksimo dianan Tormenta Tropikal Karen lo move poko poko nortwèst riba e parti suitost di Laman Karibe i keda na un distansia salvo for di Kòrsou. Pero áreanan di nubia ku áwaseru asosiá ku e sistema aki lo pasa temporalmente riba nos region den e proksimo dianan ku ta sigui. Mas aleu, den áwaseru lo bai tin sierto momento ku bientu lo bira mas fuerte.

Kondishon di laman: Ketu te trankil ku altura di ola serka di 0.5 meter (2 pia).

Sistemanan signifikante di wer tropikal:  Tormenta tropikal Karen  ta situá riba laman Karibe oriental i ta sigui move pokopoko nortwèst i kontinuá komo un Tormenta Tropikal.  Mientras, Tormenta Tropikal Jerry ta situá riba Atlántiko, moviendo nort nortwèst i ta alehá su mes di Laman Karibe. Depreshon Tropikal Diestres a forma ayera anochi lat djis banda di e kosta wèst di Afrika i ta antisipá ku esaki lo intensifiká den un tormenta tropikal durante próksimo dia, segun eta move den un direkshon wèst. Ningun di e sistemanan tropikal aki ta un menasá direkto pa Kòrsou.

Fenómeno spesial: Ningun.

Perspektiva te djárason mainta: Parsialmente te hopi nublá i prinsipalmente den mardugá tin posibilidat pa áwaseru ku bos i welek.

Meteorólogo: Rombley