Petishon pa informashon.

KOMUNIKADO DI PRENSA
388 / 2019
26 sèptèmber 2019
Petishon pa informashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku e kaso di awe mainta, den kua a bin haña un dama di edat morto den su kas
den Kanga (Komunikado no. 386/2019), polis ta hasi un apelashon riba komunidat pa duna
informashon.
Kualke siudadano ku por ta dispone di informashon òf a konstatá un situashon sospechoso
den oranan di ayera nochi, awe mardugá òf mainta trempan den e bario di Kanga, pa ta
mas eksakto den e kaya patras di e sede di Frente Obrero, sea asina bon di tuma kontakto
ku polis.
Den su afan pa solushoná e kaso aki tambe mas pronto ku ta posibel, ta pidi komunidat pa
yuda ku e informashon ku bo tin, kon insignifikante e por ta mustra di ta.
Por drenta den kontakto ku polis na e number 917, 24 ora pa dia kompletamente grátis òf
108 si bo ta deseá di keda anónimo.
Kuerpo Polisial ta konta riba bo koperashon!