Kuadro di ordenashon di Arbeidsgericht Onderwijs (AGO) aprobá!

Kuadro di ordenashon di Arbeidsgericht Onderwijs (AGO) aprobá!

Geplaatst op 6 Òktober 2019 dor di Ministerio di Enseñansa, Siensia, Kultura & Deporte

Willemstad- resientemente Minister di Enseñansa, Siensia, Kultura i Deporte sra. Marilyn Alcalá-Wallé siguí pa Konseho di Minister a aprobá e kuadro di ordenashon (inrichting) di AGO(Arbeidsgericht Onderwijs) “Di Un Soño pa Trabou”, un tipo di enseñansa speshal dirigí riba:

1. Atkisishon di abilidatnan práktiko pa e hoben por subi merkado laboral;
2. Banda di e meta aki, e empeño ta pa yuda e hoben den su desaroyo personal i;
3. bira outosufisiente den komunidat.

E tres metanan prinsipal aki konosé diferente area di kompetensia (domeinen). Por ehèmpel den e meta pa e hoben ta outosufisiente den komunidat mester tene kuenta ku e kompetensia di: Biba independiente. E supkompetensianan di biba independiente ta referí na: Alimentashon, Vestuario, Limpiesa, Hasi obra di man, Kuido di animal i mata. Riba e mapa por mira e tres metanan, kompetensianan i supkompetensianan.

Ku e kuadro nobo aki e kampo di enseñansa ta haña insteumentonan mas fuerte i sólido pa oumentá e kalidat di AGO i e ta fungi komo é instrumento fundamental pa unjformá e diferente skolnan di AGO na Kòrsou. Ta ku awor e práktika tabata mustra ku kada direktiva i skol AGO tabata atendé ku formashon den AGO segun nan mes struktura sin e sinkronisashon i akoplashon nesesario den enseñansa. Ku e uniformashon di AGO por garantisá mihor kalidat den enseñansa kaminda alabes Inspekshon di Enseñansa tambe tin e medionan pa inspektá AGO di un forma mas dirigí.

Finalmente hóbennan di AGO tambe pa promé biaha den historia di enseñansa AGO aki na Kòrsou, ta konkluí ku un Sertifikado uniformé rekonosé segun artíkulo 33 di e lei di enseñansa sekundario.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: