NOS SELEKSHON NASHONAL TA NA COSTA RICA I TA KLA PA NOS TERSER PARTIDO, DJADUMINGU 13 DI ÒKTOBER BINIDERO KONTRA COSTA RICA!
NOS SELEKSHON NASHONAL TA NA COSTA RICA I TA KLA PA NOS TERSER PARTIDO, DJADUMINGU 13 DI ÒKTOBER BINIDERO KONTRA COSTA RICA!
Nos selekshon nashonal ta na Costa Rica p’asina kontinuá ku e preparashonnan pa nos terser partido di e di 2 buèlta di Nations League. E partido aki lo tuma lugá djadumingu 13 di òktober binidero pa 8’or di anochi (ora di Kòrsou) den stadion Alejandro Morero Soto aya na Costa Rica. Despues di e partido aki nos lo bolbe topa Costa Rica dia 14 di novèmber den Stadion Ergilio Hato aki na Kòrsou.
Gran parti di nos hungadónan i e staf tékniko a yega Costa Rica den e dianan tras di lomba i ya nos selekshon ta tin diferente seshon di training ku a kana hopi bon. Apesar di e palu di awaseru ku ta kayendo na Costa Rica, nos hungadónan ta bon prepará tantu físiko komo mentalmente pa bolba saka nos kara un biaha mas.
Lamentabelmente Darryl Lachman ku Riginio Cicilia a keda leshoná na último momentu i no por a biaha ku nos selekshon mas. Ayrton Statie ku ya ta na Costa Rica i Roly Bonevacia ku lo yega mañan ta forma parti di nos selekshon na nan lugá.
Aktualmente nos selekshon ta komandá e tabla di posishon ku 4 punto, resultado di un empate i un viktoria kontra Haiti.
Tabla di posishon:
| WH | WG | WE | WP | Punto | ||
| 1 | Kòrsou | 2 | 1 | 1 | 0 | 4 |
| 2 | Haiti | 3 | 0 | 2 | 1 | 2 |
| 3 | Costa Rica | 1 | 0 | 1 | 0 | 1 |
Nos selekshon tin kompromisonan sumamente importante na kaminda i nos hungadónan ta konta ku bo (so), komo e di 12 hungadó, pa sigui apoyá i sostené nan!
11 òktober 2019