Pronóstiko di tempu pa Kòrsou i bisindario bálido te djaluna mainta 6:00 o.l, 14 di òktober 2019.

Pronóstiko

Pronóstiko di tempu pa Kòrsou i bisindario bálido te djaluna mainta 6:00 o.l, 14 di òktober 2019.
Kompilá: djadumingu 13 di òktober 2019, 05:00 o.l. (09:00 UTC).

Tempu: Ménos nublá ku posibilidat pa un áwaseru durante mainta, despues un tempu seku lo prevalesé.

Temperatura máksimo lo alkansá 31 ºC, i temperatura mínimo di 27 ºC.
Solo ta sali 06:25 i ta baha 18:19 o.l.

Bientu: Direkshon ost sùitost i por lo general moderá; forsa 3 pa 5 (12 pa 39 km/ora, 7 pa 21 nudo). De bes en kuando posiblemente fuerte den ráfaga; 6 (40 te 50 km/ora, 22 te 27 nudo).

Situashon general: Un atmósfera relativamente mas stabil en kombinashon ku un fluho di airu ménos húmedo ta redusí e kantidat di nubia riba nos region i e posibilidat pa awa kai. Na un opstante esaki, no ta ekskluí ku durante mainta lo por tin momentunan ku algu di áwaseru lo por kai, pero kualke áwaseru lo ta unu di durashon kòrtiku i lokal. Mas aleu, bientu lo ta un poko mas fuerte durante di dia, kual lo kousa un kondishon di laman moderá.

Kondishon di laman: Por lo general moderá ku altura di olanan entre 1 i 1.5 meter (3 te 5 pia).

Sistemanan signifikante di wer tropikal: Tormenta Subtropikal Melissa ta situá ost di e kosta di Estádos Unídos i ta move poko poko den un direkshon nortost. E sistema aki lo no forma un menasa pa nos isla òf área di Karibe.

Fenómeno spesial: Ningun.

Perspektiva te djamars mainta: Un tempu relativamente seku lo sigui prevalesé.

Meteorólogo: Correa