Gran debut di agrupashon musikal Excellence dia 27 di òktober na Riffort Village

Gran debut di agrupashon musikal Excellence dia 27 di òktober na Riffort Village

Despues di e presentashon na prensa djabièrnè 27 di sèptèmber ultimo ,porfin gerensia di Excellence ta anunsiá e  debut di Excellence na pueblo di Kòrsou.

Esaki ta tuma lugar, djadumingu 27 di òktober na Riffort Village.

Awa Claro Caribbean Water i Renaissance Mall &Iffort a uni forsa pa hasi e gran debut di e agrupashon musikal  hóben aki posibel i ku ta bai trese un variashon den farándula tokando muzik di tur género i na nivel musikal haltu.

Excellence a haña preparashon musikal intensivo serka maestro Gedion Chandler, i ta kla  pa enfrentá kualkier reto.

Excellence lo presentá na fiestanan popular, tantu pa e género di ritmo kombiná, pa e género di bailadores i na  fiestanan privá.

Pa fiestanan privá, semper tin petishonnan pa un variashon musikal, i Excellence lo ta e eskogo korekto.

Pues e lokalidatnan por ta hopi diferente, i e repertorio amplio ta adekuá pa kada situashon.

Pa lokual ta trata e fiestanan di fin di aña, Excellence, lo tin un repertorio diferente i variá,  pa krea e ambiente nesesario, durante selebrashonnan pa empleado di kompanianan i institutonan, konforme e deseo di e promotornan.

For di e baùl amplio, ku e mùsikonan hóben aki tin, semper bai lo por hasi un eskogo, segun e okashon, pa agregá na e repertorio aktual.

Kòrsou tin nesesidat di agrupashonnan musikal, ku por aktua pa tur gremio musikal.

E debut aki ta konta ku partispashon di  e popular dj RO1, ku pa e okashon aki tambe, lo trese un repertorio, ku sigur lo kai na agrado di esnan ku tei presente.

E aktividat aki  ta tuma lugar 27 di òktober, di 7.30 pm pa 10.00 pm  na Riffort i entrada ta gratis pa tur hende, ku kier pasa un ratu kontentu, disfrutando di muzik na nivel haltu, di Excellence i DJ RO1.

Pues un invitashon na un i tur pa e debut di Excellence, djadumingu  27 di òktober entre 7.30 pa 10’or di anochi na Riffort.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: