Alegria di Halloween dia 26 di òktober! Kompetensia di Pampuna kreativo na Renaissance Mall & Rif Fort

Alegria di Halloween dia 26 di òktober!

Kompetensia di Pampuna kreativo na Renaissance Mall & Rif Fort

 

WILLEMSTAD – Un djis ta tempu pa un otro selebrashon na Renaissance Mall & Rif Fort, ta trata di Halloween! Muchanan i nan mayornan ta invitá pa ‘trick or treat’ pasando na establesimentunan den mall riba djasabra dia 26 di òktober. Partisipashon ta grátis, pero e yu lo mester ta den un kostüm di Halloween. Lo por ‘trick or treat’ entre 4’or i 6’or di atardi, tanten tin mangel pa tur mucha. Tur establesimentu i restorant lo repartí mangel pa e muchanan i ta invitá mayornan pa un atardi kontentu den famia! Kompartí e alegria ku e muchanan i saka nan foto, ‘tag’ Renaissance Mall & Rif Fort riba Facebook  òf Instagram i GANA. Tin premio pa e mihó kostüm(nan) di Halloween! 

 

No tin fiesta di Halloween sin e tradishonal pampuna! 

Muchanan ta keda invitá pa partisipá na e kompetensia di pampuna, na unda nan por demostrá nan fantasia i arte ku chèns di GANA premio. Tur mucha bou di 14 aña por partisipá den kategoria hubenil i tur hóben di 15 aña bai ariba lo partisipá den kategoria di adulto. Renaissance Mall & Rif Fort lo tin premio pa e pampuna di mas ‘spantoso’, esun mas original i esun mas kómiko. E pènel di hurado lo huzga e kreashonnan di pampuna 5’or di atardi dia 26 di òktober próksimo na e fòntein. *Registrá bo partisipashon promé ku dia 25 di òktober riba eventbrite.com òf bishitá e página di Facebook di Renaissance Mall & Rif Fort!