Selekshon nashonal di softbol femenino ta kla pa representa Korsou na Ecuador den kampionato suramericano
Selekshon nashonal di softbol femenino ta kla pa representa Korsou na Ecuador den kampionato suramericano
Ajera selekshon di softbol femenino a sera nan preparashon pa e kampionato Sur Americano ku un santu sakrifisio di misa na misa di Buenavista. Djarason awor 18:05 e selekshon lo subi e buelo di Avianca rumbo pa Guajaquil, Ecuador. Lo tin partisipashon di Brazil, Colombia, Chile, Peru, Ecuador, Panama, Argentina i Korsou. Selekshon di Korsou tin un base di hungadornan ku for di 2017 ta huntu i a krese huntu i ku awor tin eksperensia kla pa bai buska medaya den e kampionato aki. Nos muchanan ta bon prepara tantu fisikamente, teknikamente i mentalmente. Tur esakinan danki na tur e personanan ku a juda den preparashon manera por ehempel, Haily de Palm ku e parti fisiko, Melissa Corea ku e parti mental i Armand Hellement jr ku e parti teambuilding. Naturalmente nos kuerpo tekniko enkabesa pa Evan Juni Balentina ku a hasi tremendo trabou pa ku e parti teknika. Direktiva di federashon kier a jama FDOK i tambe MCB ku a hasi e biahe aki possible.