Parlamentario Curtley Obispo: Preguntanan Presupuesto 2020 pa loke ta trata Ministerio di Enseñansa, Siensia, Kultura i Deporte.

Preguntanan Presupuesto 2020 pa loke ta trata Ministerio di Enseñansa, Siensia, Kultura i Deporte.

Durante e promé dia di tratamentu di Presupuesto 2020 di Pais Kòrsou, parlamentario Curtley Obispo a base di su análisis di sifra a konsentrá su preguntanan riba entradanan i supsidionan di Kuenta Koriente di Pais Kòrsou pa loke ta trata e kapítulo di e Ministerio di Enseñansa, Siensia, Kultura i Deporte. 

E  preguntanan di parlamentario Curtley Obispo tabata dirigí pa sa: (1) kiko ta e motibunan di e subida di 2.0 mion florin den entradanan di “overige gemeenschappelijke” (aña 2020 kompará ku aña 2018). Kiko e entradanan di 2.0 mion florin presupuestá pa aña 2020 ta konsistí di dje?; (2) kiko ta e motibunan di  e bahada di 1.6 mion florin den entrada di “schenking subsidies – bevordering studie” (aña 2020 kompará ku aña 2018); (3) kiko ta e motibunan di e bahada di 0.6 mion florin den entrada di “andere inkomsten-bevordering studie” (aña 2020 kompará ku aña 2018); (4) dikon e gastunan di finansiamentu di enseñansa liber ta subi ku 10.0 mion florin (aña 2020 kompará ku aña 2019)?; (5) Ki dia ta planifiká pa kuminsá den aña 2020 ku e Instituto Nashonal di Kultura.