Hòmber detené pa kaso di maltrato.
KOMUNIKADO DI PRENSA
457/ 2019
31 òktober 2019
Hòmber detené pa kaso di maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku e kaso di maltrato ku a tuma lugá den oranan trempan di mardugá di djaweps
dia 31 di òktober 2019, den kua a bin topa un dama ku tabata pidi yudansa riba Kaminda
Mgr. Dr. Amado Römer (Komunikado 456/2019), polis a realisá un detenshon.
Alrededor di 12.50’or, e hòmber sospechoso J.R.B. nase na Kòrsou di 22 aña di edat a
presentá na warda di reshèrshi, unda el a keda detené.
De oranan mas trempan di mainta e mesun hòmber aki a akudí na warda di polis, unda el a
duna un deklarashon di su mes boluntat di lokual ku a sosodé.
Debí ku na e momentu ei, ainda polis no por a skucha e víktima i no tabatin sufisiente
indikashon ku e ta sospechoso i kiko realmente a pasa, a laga e hòmber aki bai.
Kontinuando ku e investigashon den e oranan ku a sigui i despues ku a logra interogá e
víktima, riba òrdu di fiskal di Ministerio Públiko a detené e hòmber aki komo sospechoso
den e kaso di maltrato aki.
Investigashon den e kaso ta kontinuá.