Kaso di atrako i aksidente di tráfiko.

KOMUNIKADO DI PRENSA
464/ 2019
2 novèmber 2019
Kaso di atrako i aksidente di tráfiko.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 2 di novèmber 2019, alrededor di 04.35’or, Sentral di Polis a risibí informashon ku
den área di Sto. Domingoweg tin un hòmber drumi abou tur na sanger.
For di un investigashon preliminar ku polis a hasi na e sitio, e víktima a deklará ku e tabata
na un sitio di dibertishon den área di Brievengat. Na momentu ku e tabata bai kas dos
hòmber deskonosí pe a pidié un lift. Nan a drenta den su SUV pa bai for di sitio.
Diripiente e hòmbernan deskonosí pe a atrak’é i maltrat’é pa despues lag’é heridá kantu di
kaminda i bai ku su SUV. Ambulans a transportá e víktima pa poliklínika di SEHOS pa
tratamentu médiko.
Alrededor di 04.34’or Sentral di Polis a haña notifikashon di un aksidente ku a tuma lugá ku
un SUV na Plaza Hariri.
For di un investigasho ku polis a hasi na e sitio a resultá ku probablemente shofùr di e SUV a
pèrdè kontrol riba e vehíkulo pasa riba e rotònde pa despues bai bòltu. Ambulans a
transportá e víktima pa poliklínika di SEHOS, kaminda despues di tratamentu e la keda
interná.
Kontinuando ku e investigashon polis a haña i konfiská pertenensianan di e víktima di Sto.
Domingoweg den saku di karson di e víktima na rotònde Palu Blanku. Tambe a resultá ku e
SUV ku a aksidentá ta pertenesé na e víktima di Sto. Domingoweg.
Polis a detené na hospital e hòmber sospechoso L.A.S.C., nasé na Colombia di 21 aña di
edat, relashoná ku e atrako i maltrato ariba menshoná.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.