Tres minister a biaha pa Hulanda pa un konsulta ku gobièrnu Hulandes

Willemstad- Promé Minister Eugene Rhuggenaath, Minister Suzy Camelia-Römer i Minister Kenneth Gijsbertha ta bula bai Hulanda den e wikènt aki pa un konsulta kòrtiku ku Gobièrnu di Hulanda.
Djaluna nan ta papia entre otro tokante e deseo di Gobièrnu di Kòrsou pa logra un rekuperashon finansiero den mas aña. Otro topikonan ku ta bin dilanti ta nos hòspital nobo, sektor finansiero i futuro di nos refineria.
Pa mustra e seriedat di gobièrnu den e esfuersonan pa trata e retonan grandi ku Kòrsou tin su dilanti, a disidí pa bai ku un delegashon fuerte, kaminda tur 3 partido di koalishon ta representá.