Minister di Finansa a reuni cu Comision ‘Versterking Democratisch Bestel’

Minister di Finansa a reuni cu Comision ‘Versterking Democratisch Bestel’

ORANJESTAD – Den cuadro di introduccion di un Begrotingskamer pa Aruba, Minister di Finansa a reuni cu Presidente sr. Swaen, cu experto sr. Croes y miembro sr. Guaimo di e Comision ‘Versterking Democratisch Bestel’ cu ta trahando pa fortifica y independisa nos Colegionan Halto di Estado y tambe ta trahando pa e introduccion di un Ombudsman y Begrotingskamer pa Aruba.

Sr. Swaen a duna un bista di tur e trabounan cu ya a wordo haci pa e Comision y a splica di e cambionan necesario den nos Constitucion (Staatsregeling) pa asina por concretisa e trabounan. Nos Constitucion, entre otro, mester bay wordo adapta pa asina haci cambio di mehoracion pa funcionamento di Conseho Consultativo (Raad van Advies) y pa integra e  Begrotingskamer como parti di e Colegio Halto di Estado aki. Banda di esaki cambionan na fabor di e mihor funcionamento di Controlaria General y Parlamento tambe ta bay rekeri adaptacion di nos Constitucion.

Cu Minister di Finansa e Comision a intercambia idea tambe riba e Ley pa Responsabilidad Fiscal den cual ta stipula norma financiero cu Gobierno lo mester tene su mes na dje pa por percura pa un maneho financiero sostenibel pa Pais Aruba. E ley aki lo sirbi como enfoke tambe pa e Begrotingskamer por haci su trabou di conseho riba e ehecucion di e presupuesto di Pais Aruba. 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: