NOS SELEKSHON NASHONAL LO ENFRENTÁ COSTA RICA  DIA 14 DI NOVÈMBER DEN SDK, 7:30 PM! YEGADA DI NOS HUNGADÓNAN!

NOS SELEKSHON NASHONAL LO ENFRENTÁ COSTA RICA 

DIA 14 DI NOVÈMBER DEN SDK, 7:30 PM!

YEGADA DI NOS HUNGADÓNAN!

 

Preparashonnan ta kontinuá pa loke ta trata nos último kompromiso di e di 2 buèlta di Nations League ku lo ta kontra Costa Rica dia 14 di novèmber binidero pa 7:30 PM den Stadion Ergilio Hato. Un wega sumamente importante mirando ku nos ta rumbo pa e buèlta final di Nations League!

 

Awe, djaluna 11 di novèmber den oranan di anochi nos hungadónan residensiá den eksterior a pisa suela di Kòrsou pa asina djòin nos hugandónan lokal pa sigui ku e training i preparashonnan pa nos partido kontra Costa Rica di djaweps awor. Mañan nos selekshon lo tin su promé seshon di training pa ku e partido aki ku lo bira un di nos partidonan mas importante den e torneo aki.

 

Karchinan pa e enkuentro aki ta optenibel na FFK bou di ora di ofisina, Beep Beep, Botika Mampuritu, pòmp di gasolin Sta Maria, 4th of July snèk na Barber, sentro di pago Tu y Yo  (Sta Rosa ku Sta Maria) i na Feng Wei B.V. dilanti di vèlt di Vesta.

 

E preisnan ta lo siguiente:

  • VIP ta kosta Fl.150,- (inkluso konsumo);
  • Bou di tribunanan kubrí ta Fl.50,- 
  • Tribunanan no kubrí ta Fl.30,- 
  • Mucha di 6 te ku 12 aña ku 60+ ta paga Fl. 15,- den sekshon general

 

Portanan ta habri for di 4:30PM, kòrda yega trempan pa evitá e tráfiko i semper sigui òrdu di seguridat.

 

Djaweps 14 di novèmber, pa mitar di 8 di anochi ta tremendo partidaso lo tin den Stadion Ergilio Hato! Nos hungadónan ta konta ku bo, komo e di 12 hungadó pa apoyá i sostené nan pa huntu nos logra e viktoria importante aki! 

 

Bisti na e kolonan di nos bandera i ban yena Stadion Ergilio Hato!

 

11 novèmber 2019

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: