Minister Xiomara Maduro presente na apertura di Arupro Tunita su centro di reciclahe pa plastic 

Minister Xiomara Maduro presente na apertura di Arupro Tunita su centro di reciclahe pa plastic 

 

ORANJESTAD – Diabierna anochi Minister Xiomara Maduro tabata na apertura di Arupro Tunita su centro di reciclahe pa plastic y tambe showroom di varios producto eco-friendly.

Dentro di poco Pueblo tin e oportunidad pa entrega tur plastic na Arupro pa asina nan wordo recicla y transforma den azeta pa briya taira di auto. Di e manera aki Arupro ta brinda Pueblo e oportunidad pa yuda tene nos Pais limpi y evita cu plastic ta keda haci daño na nos medio ambiente.

Arupro ta ofrece e oportunidad tambe pa trece botter di plastic bashi pa nan wordo yena cu productonan di Arupro na un prijs hopi economico. Di e manera aki Arupro kier aporta tambe na e economia familiar na unda ta yuda cu productonan di bon calidad na prijs economico.

Minister Xiomara Maduro ta felicita y gradici sr. Andy Hernandes y full famia y trahadornan di Arupro pa e bunita proyecto aki. Nos ta contento di mira cu San Nicolaas por conta cu otro proyecto comercial importante cu a keda anuncia den e San Nicolaas Business Summit di San Nicolaas Business Association algun siman atras.  

This site uses Akismet to reduce spam. Learn how your comment data is processed.

error: Content is protected !!
%d bloggers like this: