The One Big Dream ta estrená na Kòrsou “Balor di un Muhé”

The One Big Dream ta estrená na Kòrsou “Balor di un Muhé”

Despues di un tremendo éksito na Ulanda, e obra aki lo wòrdu presentá na Kòrsou dianan 06 i 12 desèmber próksimo den Teatro Luna Blou pa 8’or anochi.

Un obra skirbi, dirigí i produsí pa sr. Kenneth Lopez lo wòrdu presentá ku artistanan lokal di Kòrsou mes. Un obra kaminda ku e Hende Muhé ta para sentral, kaminda ku ta empoderá e Hende Muhé pa ku su balor den nos Komunidat. Ta basá  riba bida real. Un obra ku hopi kontenido kombiná ku un tremendo mensahe. E ta pone bo hari i yora den mesun momentu. Dor di tantu humor ku tin den e obra kombiná ku hopi drama. Despues ku bo mira e obra aki no ta keda nada mas di balorá e Hende Muhé ku Dios a duna nos Hòmber, no pa ser nos esklabo……. mas bien pa ser nos kompañero, mas balor ku bo ta dunando e Muhé!! Awor no a keda nada mas di bisa bo. Bin wak pa bo mes mira kiko ta “Balor di un Muhé”!

Artistanan manera Saskia Looman, Christine Dania, Encho Henrique, Seajae Sambo i hopi mas. Bin presensia nos artistanan lokal tresiendo un drama ku hopi mensahe.

Karchinan ya ta optenibel na Mensing’s Caminada, Beep Beep i pa mas informashon por tuma kontakto na telefon 696 1747.