Advertisements

Kontròl general i di tráfiko.

KOMUNIKADO DI PRENSA 528 / 2019
20 desèmber 2019
Kontròl general i di tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 19 di novèmber 2019, personal di Warda di Polis Barber konhuntamente ku
otro Departamentunan di Polis, VKC, KMar i Curmil a tene kontròl general i di tráfiko.
E kontròl aki a tuma lugá entre 17.00’or pa 24.00’or na diferente parti di Kòrsou,
A kontrolá un total di 191 vehíkulo, 170 persona i a partí un total di 87 prosèsverbal
pa e siguiente infrakshonnan:
Manehá un vehíkulo sin:
 reibeweis bálido;
 ku e impuesto di vehíkulo ta pagá;
 seguro bálido;
 karchi di kùr bálido;
 plachi di number;
 faha di seguridat bistí;
 lus di brik.
Manehá un vehíkulo:
 ku glas skur;
 i papia na selular;
 i pasa den lus kòrá.
Kran a transportá un total di 3 vehíkulo.
Riba Cabo Verdeweg polis a tuma nota di dos homber pará na un vehíkulo i a purba
di alehá nan mes for di e sitio nan momentu ku nan a mira e vehíkulo polisial
aserkando.
Polis a para i kontrolá e dos hòmber nan aki i tambe den e vehíkulo. Den e vehíkulo a
haña i konfiská kokaina i un sigaria di mariwana.
Den un tas di lomba ku un di e hòmber nan aki tabatin den su poder polis a haña i
konfiská 25 saku chikí di plestik ku mariwana.
A detené ámbos hòmber, N.A.R.O.S. di 26 aña di edat i P.A.F.S. di 29 aña di edat,
tur dos nasé na Kòrsou pa violashon di lei di opio.
Despues di interogashon nan a rekobrá nan libertad.
Tambe polis a kontrolá tres hòmber ku tabata den un otro vehíkulo na e sitio.
E kontròlnan aki ta kontinuá.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: