KÓDIGO ORAÑO: .UN VIGILANSIA PA LAMAN BRUTU. Pronóstiko di tempu pa Kòrsou i bisindario bálido te djárason mainta 06:00 o.l., 15 di Yanüari 2020.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 15 di Yanüari 2020.
Kompilá: djamars 14 di Yanüari 2020, 05:00 o.l. (09:00 UTC).

KÓDIGO ORAÑO: .UN VIGILANSIA PA LAMAN BRUTU.

Tempu: Shelu pa un gran parti di mainta lo ta basta nublá i esaki lo ta akompaña de bes en kuando ku un yobida leve te moderá riba vários parti di Kòrsou.

Temperatura máksimo lo alkansá 29ºC i temperatura mínimo 23ºC.
Solo ta sali 07:00 i ta baha 18:29 o.l.

Bientu: Direkshon ost i moderá te fuerte; forsa 4 te 5 (20 te 39 km/ora, 11 te 21 nudo). Prinsipalmente durante di momentunan di áwaseru, posiblemente fuerte den ráfaga; forsa 6 (40 te  50 km/ora, 22 te 27 nudo).

Situashon general: Durante e próksimo oranan no ta antisipá muchu kambio den e kondishon di tempu aktual. Apesar di esaki den e próksimo 24 ora, un transishon lo tuma lugá di e faktor dominante ku a generá bastante áwaseru durante e último dianan, pa un otro disturbio konosí komo un ‘Easterly Wave’ ku poko poko lo kuminsá influensia e wer den área sur di Karibe. Esaki lo sigui tene kondishon atmosfériko faborabel pa formashon di nubia ku lo trese mas momento di áwaseru durante e próksimo dianan riba Kòrsou i bisindario. Mas aleu, bientu ta sigui moderá i de bes en kuando basta fuerte, pero ta premirá ku esaki ta bira relativamente ménos den transkurso di awe.

Kondishon di laman: Aún basta brutu te brutu ku altura di olanan entre 2 te 2.5 meter (6 pa 9 pia) riba laman habri i e partinan na nort i ost. Na e otro kostanan, moderá ku altura di ola entre 1 te 2 meter (3 pa 6 pia).

Fenómeno spesial: Ningun.

Perspektiva te djaweps mainta: Shelu lo varia di tiki te hopi nublá ku momentunan di áwaseru riba Kòrsou.

Meteorólogo: Correa.