No ta permití pa stashoná vehíkulo riba J.H.J. Hamelbergweg

KOMUNIKADO DI PRENSA 018/ 2020
14 yanüari 2020
No ta permití pa stashoná vehíkulo riba J.H.J. Hamelbergweg
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial ta informá ku no ta permití pa stashoná vehíkulo na ningun banda di
J.H.J. Hamelbergweg.
E kaya aki ku ta kondusí na Curaçao Medical Center, ta habrí atrobe pa tráfiko
motorisá den tur dos direkshon.
Debí ku outomobilistanan ta stashoná vehíkulo na ámbos banda di e kaya aki, esei ta
stroba entre otro ambulans i otro vehíkulonan di emergensia ku konstantemente
mester hasi uso di e kaya aki pa yega òf bandoná C.M.C.
Ta supliká pa hasi uso di otro sitionan destiná pa stashoná vehíkulo den besindario.
Polis ta spera koperashon di henter komunidat den esaki.