Advertisements

Nagico Insurances kontentu di por aportá na Karnaval 50 Nagico Official Insurance Partner di Hak’é

Nagico Insurances kontentu di por aportá na Karnaval 50

Nagico Official Insurance Partner di Hak’é

 

WILLEMSTAD, Yanüari 2020 – Nagico ta kla pa selebrá un otro temporada di karnaval huntu ku su klientenan i pueblo di Kòrsou. E selebrashon ta aun mas grandi konsiderando ku ta 50 aña di nos karnaval. E aña aki atrobe Nagico tin un laso di koperashon ku diferente banda, grupo i organisashon karnavalesko, di e forma ei aportando na Kòrsou su karnaval. Esaki ta e di tres aña konsekutivo ku Nagico ta pone su skouder bou di Hak’é Jump-In Festival ku den transkurso di añanan a prueba di ta un konsepto masha eksitoso. E aña aki tambe Nagico ta orguyoso Insurance Partner di Hak’é 2020. E ganadó di e T-Cross 2020 lo risibí Naf. 2,020 na seguro pa su outo nobo. Tambe lo duna e ganadó di e outo un montante di gasolin grátis. 

 

Gana hopi premio ku Nagico e temporada aki!

Kambia bo seguro pa unu di Nagico ta hopi atraktivo e temporada aki. Tur hende ku durante di e temporada aki atkerí un seguro di Nagico òf kambia pa un seguro di outo di Nagico tin chèns di gana entrada (pakete pa djabièrnè i djasabra) di Hak’é i nan partisipashon pa e outo, bòn di gasolin grátis i vários premio mas. E kambio di bo seguro pa unu di Nagico ta sosodé masha rápido; bishitá Nagico ku un kopia di bo pólisa eksistente, keuringskaart i un reibeweis bálido.  

 

Mas informashon tokante un seguro di Nagico?

Tuma kontakto ku nos na 738.8222 òf bishitá facebook.com/nagico. Ofisina di Nagico ta situá na Dr. Fergusonweg #10 i ta habrí nònstòp for d i 8’or di mainta pa 5’or di atardi. 

###

Tokante Hak’é:

Djabièrnè dia 14 di febrüari Hak’é ta presentá ‘Homenahe na Tumba’ ku presentashon di Gentz, Randal Corsen Orchestra, ERA i Happy Peanuts.  Djasabra dia 15 di febrüari lo presentá 9 agrupashon musikal ku lo kompartí 3 diferente esenario: Gio, Tune, Score, ERA, ONE, Allure, Highway Band, Dolce i Icons huntu ku tur artistanan invitá. Hak’é lo tuma lugá riba e fechanan menshoná den Curaçao Festival Center. 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: