Desaroyo actual Rond di Novel Coronavirus

Desaroyo actual

Rond di Novel Coronavirus

 

ORANJESTAD, Aruba –22 januari 2020: Ultimo informacionnan cu Departamento di Salud Publico di Aruba a ricibi for di World Health Organisation (WHO) relaciona cu novel Coronavirus, ta indica cu tin por lo menos 448 caso confirma y 9 caso di morto regista.Β  E casonan aki mayoria a wordo raporta den diferente region di China pero tambe na Japon, Republica di Korea, Thailandia y un caso na Merca te cu awe 22 di januari 2020.Β 

Na Aruba actualmente no tin ningun caso sospechoso y mucho menos caso confirma di novel Coronavirus. Como Departamento di Salud Publico nos ta comunicando cu diferente organisacion y disiplina riba e tereno aki pa asina reinforsa nos sistema di β€œsurveillance” y β€œmonitoring”  pa si encaso un posibel caso presenta. Te na e momento aki WHO no a emiti ningun restriccion di biahe y of comercio pa China.Β 

Segun expertonan e virus di novel Corona ta wordo transmiti di hende pa hende y ta duna sintomanan cu ta afecta e sistema respiratorio manera calafrieu, tosamento, keintura, nanishi ta core, nister, dolor di musculo y den casonan severo problema di rion, pulmonia y asta morto.Β 

Na e comunidad Chines cu ta biahando pa China pa celebra aΓ±a nobo Chines y na comunidad di Aruba nos ta recomenda pa sigui e recomendacionan di WHO pa aplica medidanan di higiena general manera:

  • Laba man frecuentemente cu awa y habon of uza β€œhand sanitizer”
  • Tosa of nister den klinex desechabel of den elleboog
  • Y evita contacto cu personanan cu sintomanan di griep

Si bo a bishita un pais cu caso confirma di Novel Coronavirus y bo presenta sintomanan respiratorio (vooral cu bo tawatin contacto cu hende malo cu sintoma nan di griep) tuma contacto cu bo dokter di cas mas pronto posibel y dune informacion di bo historia di biaje.Β 

Pa mas informacion por tuma contacto cu Departamento di Salud Publico na 5224200 y LIKE nos Facebook Page Directie Volksgezondheid DVG Aruba pa keda informa.

This site uses Akismet to reduce spam. Learn how your comment data is processed.

%d bloggers like this: