KOMUNIKADO DI KUERPO POLISIAL KORSOU Aksidente di tráfiko ku herido.

KOMUNIKADO DI KUERPO POLISIAL KORSOU

039 / 2020

24 yanüari 2020

Aksidente di tráfiko ku herido.

Djabièrnè 24 di yanüari 2020, alrededor di 19.11 or, Sentral di Polis a risibí informashon di un aksidente di tráfiko ku a tuma lugá entre un bròmer i un outo di famia den Roodeweg na altura di un restorant.
For di investigashon preliminar ku polis a hasi na e sitio, a resultá ku shofùr di e bròmer tabata kore riba Roodeweg biniendo for di Otrobanda den direkshon di Brantwer. E shofùr di e outo di famia tabata kore di altura di Brantwer den direkshon di Otrobanda. Pa motibu te ainda deskonosí e dos vehíkulonan aki a aksidentá.
Ambulans a transportá shofùr di e bròmer den situashon di prekupashon pa poliklínika di CMC pa tratamentu médiko mas avansa.
Personal di tráfiko ta kontinuá ku e investigashon.